بقلم رشيد العماري
ما قدهم زبلنا بداو يتسوردو زبل البراني ؛ حنا غارقين في الأمية و الفقر و ضعف الصحة و زيدو غرقونا بزبل البراني ؛ وكواك اعباد الله واش المسؤولين ديالنا واعيين ملي كصدرو وكيوافقو على اشياء خطيرة و مستحيلة ؛ دخلنا عليكم بالله واش شكون الي مصنفة مع الدول المتقدمة حنا ولا ايطاليا ؛ بطبيعة الحال ايطاليا فايتانا في التقدم يعني حنا الي خاصنا نسيفطو ليها الزبل ؛ ماشي حنا مكنتجوش حتى جافيل و نستقبلو ازبال خطيرة ؛
ومن القرارات الي كتشبع بالضحك الي جادو بها المسؤولين ديالنا هي نحيدو الميكا ؛ونساو بان الميكا عندعا تاريخ في ذاكرة كل مغربي. الميكا تخرقنا فيها ملي ما كانش ليكوش ؛و شحال من واحد دا فيها لكتوبا لمدرسة ودابا ولا طبيب و مهندس ووزير ؛ واش كتعرفوا بان الشركات ديال الميكا مخدمة امة ديال البشر و كاين الي عقود من الزمن وهو عايش غير بيع الميكا في الاسواق سواء بالجملة او التقسيط ؛
براكة من التخربيق و القرارات الخاوية شوفو المشاكل ديال الصح ؛ راه المواطن عيا و جاتو من قرارتكم التقيا ؛ تقاو الله في لبلاد الى ما درتوش بوجه لولاد ؛ حنا ماشي مزبلة حنا بلاد عندها تاريخ ورجعو قراوه ؛ الى ما كنتوش حاضرين لدروس لوقت جداد هاجرو حتى ماتو الشرفاء من أجل اسقلال هاد لبلاد ,