“دنيا مقلوبة ” دنيا مقلوبة ”
قصيدة زجلية من ديوان “نفس الماء
للشاعرة فاطمة معروفي
سولو ا صراخ الريح
شحال من قلب جريح
عوافي في جوف مخنوقة
وشلا مايتقال ……..
دروب الضيم جمر قايد غمة على غمة
واش هاذ الزمان …………..
تلاقى لحروف ما يتلاقا السلام
ماتلاقى لخوا ماتلاقى لكفوف”
دنيا مقلوبة سوارتها ضائعة مغلوبة
لخديعة دايرة…..
والنية غايبة غيبت لمسا
كلام حلو ….ولقلب جافر ولفعل كافر
ضاقت النفس عافت مكر لاعمال
الصادق مخاوي خلوة الوقت …..
ولمكار داير فيها العار
شحال من مكان عالي ساسو خاوي
غير أنا وأنا وشنو درت أنا
كمل ياحبري بدموع الشهادة
وتنقشي ياصفحة لهموم اليوم وغدا